Saturday, August 23, 2014

ရေးသားသူ — Thura

အခွင့်အရေးကောင်းတခုဆီသို့ ၊ အစီအစဉ်ကောင်းတခုစီသို့ ဖိတ်ခေါ်ပါရစေ။

Dr. Sulak Sivaraksa ဟောပြောပွဲ

Dr. Sulak Sivaraksa နှင့် ကိုရီးယားရောက် မြန်မာဗုဒ္ဓဘာသာ ဆရာတော် သံဃာတော်များ ၊ မြန်မာနိုင်ငံသားများ တက်ရောက် ဆွေးနွေးမည့် ဆွေးနွေးပွဲကို
 မြန်မာစင်တာ၏ စီစဉ်မှုဖြင့်
 မြန်မာဗုဒ္ဓသာသနာပြု ကျောင်းတော်တွင် ပြုလုပ်မည် ဖြစ်ပါသဖြင့်
စိတ်ဝင်စားသူများအားလုံးကို ဒီကနေပဲ ဖိတ်ခေါ်လိုက်ပါရစေ။

ေ နေ့ရက် ။ ။ ၂၄ရက် ၊ ၈လ ၊ ၂၀၁၄ခုနှစ် (တနင်္ဂနွေ)
အချိန် ။ ။ ညနေ ၄နာရီမှ ၆နာရီထိ
ေေ နေရာ။ ။ မြန်မာဗုဒ္ဓသာသနာပြုကျောင်းတော် တရားသဘင်ခန်းမ။


လူမှုရေးလုပ်ငန်းများနဲ့ ပရဟိတ လုပ်ငန်းများကို ကိုယ်နဲ့ ကိုက်ညီတဲ့ ယဉ်ကျေးမှု စည်းဝိုင်းထဲကနေ အကောင်းဆုံးနဲ့ အထိရောက်ဆုံး ဖြစ်အောင် ဘယ်လိုလုပ်ကြမလဲ . . .

ဘက်ပေါင်းစုံ ချွတ်ခြုံကျနေတဲ့ မြန်မာ့လူ့အဖွဲ့အစည်းထဲမှာ ပရဟိတလုပ်ငန်းများ ကို လုပ်ကိုင်နေသူတွေ . . . .

ဗုဒ္ဓရဲ့ ဓမ္မနဲ့ တသားတည်းကျအောင် လုပ်နိုင်မည့် လူမှုဖွံ့ဖြိုးရေး လုပ်ငန်းဖြစ်အောင် ဘယ်လိုလုပ်နိုင်မလဲ . . . .

ဒါတွေကို သိလိုသူများအတွက် အောက်ပါ အခမ်းအနား အစီအစဉ်သို့ ကြွရောက်ပါရန် မြန်မာစင်တာနှင့် ပွဲဖြစ်မြောက်အာင် စီစဉ်သူများ ကိုယ်စား လေးစားစွာ ဖိတ်ကြားအပ်ပါသည်။
 

 

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

ဒို့ မြန်မာတွေဟာ ကျွန်တွေမဟုတ်ဘူး…သခင်တွေဟေ့……



                                              ဆရာကြီးသခင်ကိုယ်တော်မှိုင်း


ဒို့မြန်မာတွေဟာ ကျွန်တွေမဟုတ်ဘူး..သခင်တွေဟေ့လို့ ရေးလိုက်လို့ မြှောက်ပင့်ပေးနေတယ်လို့တော့ မထင်လိုက်ပါနဲ့။ ဆရာကြီးလုပ်တယ်လဲမထင်ပါနဲ့။ ကျနော်သိသလောက်လေးကို ရှယ်ယာလုပ်တာပါ။ သခင်ဖြစ် ချင်ရင် သခင်စိတ်ဓါတ် နဲ့ သခင်အကျင့် ကျင့်နိုင်မှဖြစ်မှာပါ။ သခင်စိတ်ဓါတ်ဆိုတာ မခံချင်စိတ်နဲ့ ကြိုးစားကြဖို့ကို ဆိုလိုတာပါ။ ကြိုးစားကြဖို့ ဆိုတဲ့နေရာမှာ အလုပ်တစ်ခုထဲကိုဆိုလိုတာမဟုတ်ပါဘူး။ ကိုရီးယားစာနဲ့ ကိုရီးယားဘာသာစကားကိုပါလေ့လာကြိုးစားရပါ့မယ်။ E9 သမားတွေဆိုရင်တော့ မိမိတို့နဲ့သက်ဆိုင်တဲ့ EPS စံနစ်ကို ထုံးလိုချေ ၊ ရေလိုနှောက်ထားဖို့လိုအပ်ပါလိမ့်မယ်။

ကိုရီးယားဘာသာစကားကိုဘယ်မှာလေ့လာသင်ယူရမှာလဲ…နိုင်ငံခြားသားအလုပ်သမားစင်တာတိုင်းမှာ သင်ပေးပါတယ်။ မြန်မာအသင်းမှာ သင်ပေးပါတယ်။ မြန်မာစင်တာမှာသင်ပေးပါတယ်။ မကေသွယ်အောင်တို့ စင်တာမှာသင်ပေးပါတယ်။ ပူဆန်မှာဆိုရင်လည်း ရွှေအလင်းတန်းမှာ သင်ပေးပါတယ်။ နေရာဒေသတိုင်းလိုလိုမှာ မြန်မာ volunteer တွေနဲ့ချိတ်ဆက်ပြီးသင်ယူလို့ရပါတယ်။ EPS စံနစ်သင်တန်းဆိုရင်လည်း မြန်မာစင်တာမှာသင်ပေးတယ်။ ကိုစိုးမိုးသူတို့ (ပိတောက်ရိပ်ကုမ္ပဏီ) မှာလည်း စနေနေ့တိုင်းသင်ပေးနေတယ်လို့သိရတယ်။ နောက်ပြီး..ပူဆန်မှာ ဆိုရင်လည်း ကိုတိုးသူရ ဦးဆောင်ပြီး ရွှေအလင်းတန်းရုံးခန်းမှာ သင်ပေးနေတယ်လို့သိရပါတယ်။ ကျနော်ကတော့ အစ်ကိုရယ် စာသင်ပေးတဲ့ နေရာတွေနဲ့ မနီးဘူး ..ဟိုး အဝေးကြီးမှာရောက်နေတယ်လို့ မေးလာရင်လည်း စာအုပ်၊စာတမ်းတွေဝယ်လေ့လာ၊ ကွန်ပြူတာ နဲ့ စမတ်ဖုန်းရှိရင် ဒေါင်းလုပ်ဆွဲပြီး လေ့လာ၊ နောက်ပြီး ကိုရီးယားဇာတ်လမ်းကားတွေကိုများများကြည့် ၊ အတူတူရှိတဲ့ ကိုရိးယားသားတွေနဲ့ များများစကားပြောလို့ပဲ အကြံပြုပါတယ်။ EPS စံနစ်ကိုလေ့လာချင်ရင်တော့ ဟန်းဂုရွာဘလော့ဂ်မှာရှိပါတယ်။ ဒီထက်ပိုလေ့လာချင်ရင်တော့ ကိုခန့်နေသူတိုး နဲ့ ကိုစိုးမိုးသူတို့ကို မေးကြည့်ပါ။ မကြာမီမှာပဲ ဆရာမ မြမာလာရွှေရေးတဲ့ EPS လမ်းညွန်စာအုပ်လည်းထွက်တော့မှာပါ။ အဲဒါဝယ်ဖတ်ပါ။ (ဆရာမ ကြော်ငြာပေးတယ်နော်) ကိုရီးယားဘာသာစကားကတော့ you tube မှာရှာပြီးတော့လည်း လေ့လာလို့ရပါတယ်။ အခုရွာထဲမှာ ကိုရီးယားစာသင်ဖို့ လှုံ့ဆော်နေသူတွေကို ကျေးဇူးအထူးတင်ပါတယ်။

နောက်တစ်ခုကတော့ အခုတလော ရွာထဲမှာ တဖက်နဲ့တဖက် အပြစ်တင်သံတွေကို ကြားနေရလို့ပါ။ တခြားဟာတော့ မဟုတ်ပါဘူး။ အို (over stay) သွားသူတွေနဲ့ပတ်သက်တာပါ။ မြန်မာပြည်ဖက်က သူတွေပြောတာကလည်း ကိုရီးယားမှာ ထွက်ပြေးကြတာများလို့ဆိုပြီး ကိုရီးယားသံရုံးက ဗီဇာမပေးဘူးပြောတယ်။ ဒီဖက်ခြမ်းက ညီအစ်ကိုိတွေကလည်း အခက်အခဲအမျိုးမျိုးကြောင့် မအိုချင်ဘဲနဲ့ အိုလိုက်ရတဲ့ညီအစ်တွေကိုရှိပါတယ်။ ကျနော်အမြင်ကတော့ ဘယ်ဖက်ကမှ မမှားပါဘူး။ မှားနေတာက ဒီEPS စံနစ်ကြီးပါ။ EPS ရဲ့ အဓိပ္ပါယ်ကိုက (Employment Permit System) ဆိုကတည်းက သူဌေးက တိုက်ရိုက်ခေါ်ယူခန့်အပ်တာဖြစ်တဲ့အတွက် သူကြိုက်ရင်ခန့်မယ်၊ သူမကြိုက်ရင် ညီအစ်ကိုတို့ကို ဖြုတ်ပစ်ပိုင်ခွင့်ရှိနေတယ်။ အရာရာဟာ သူဌေးလက်ထဲမှာပဲရှိနေတယ်။ အလုပ်သမားတွေကို ကာကွယ်ဖို့ ဥပဒေရှိပေမယ့်လည်း အဲဒီဥပဒေတွေက နိုင်ငံခြားသား အလုပ်သမားတွေကို ပြည့်ပြည့်ဝဝ ကာကွယ်ပေးထားတာမရှိသေးဘူး။ ဒီဥပဒေကြီးကို မပြဋ္ဌာန်းနိုင်အောင် လွန်ခဲ့တဲ့ (၁၀) နှစ်လောက် ကတည်းက နိုင်ငံခြားသားပေါင်းစုံ ဆန္ဒပြ ကန့်ကွက်ထားပေမယ့်လည်း အခုထက်ထိမအောင်မြင်သေးဘူး။ အဲဒီတုန်းကလည်း မြန်မာတွေထဲမှာဆိုရင် မြန်မာအသင်းအလံတော်အောက်မှာဘဲ..အခုလက်ရှိ မြန်မာအသင်းမှာ လုပ်ဆောင်နေတဲ့ ကိုဝင်းနိုင်ဦးတို့၊ ကိုသူရတို့ ၊ ကိုစိုးမိုးသူတို့၊ ကိုအောင်တင်ထွန်းတို့၊ ဟန်းဂုရွာသူကြီး ကိုဝင်းပေါ်မောင်တို့ ဦးဆောင်ပြီး ဆန္ဒပြကန့်ကွက်ခဲ့ပေမယ့်လည်း အခုထက်ထိတော့ မအောင်မြင်သေးပါဘူး။

ဒီဥပဒေကြီးကို ကန့်ကွက်နေတုန်းမှာပဲ ဆက်ပြီးတော့ ကိုရီးယားအစိုးရက ပြည်ထွက်အာမခံကြေးကို အရင်က မပြန်ခင်မှာ အကုန်ထုတ်ပေး ပေမယ့်လည်း အခုတော့ လေဆိပ်ရောက်မှ ထုတ်ပေးတဲ့စံနစ်ကို ထပ်မံပြဋ္ဌာန်းလိုက်ပါတယ်။ အဲဒါကြောင့် ကိုရီးယားအစိုးရဟာ မိမိတို့ရဲ့ အမျိုးသားအကျိုးစီးပွား(သို့မဟုတ်) မိမိတို့ရဲ့ လူမျိုးသူဌေးတွေအတွက်ပဲ ကြည့်ပြီး ကိုယ့်အမျိုးသားကောင်းစားရေးဆိုတဲ့မျက်မှန်စိမ်းကိုတပ်ကြည့်လိုက်တဲ့အခါမှာ ကိုရီးယားကိုလာရောက် အလုပ်လုပ်ကိုင်နေကြတဲ့နိုင်ငံခြားသား အလုပ်သမားတွေမှာ မညီမျှမှုတွေ၊ တန်းတူအခွင့်အရေးတွေပျောက်ကွယ်ကုန်ရပါတော့တယ်။ မြန်မာနိုင်ငံသားအလုပ်သမားတွေမှာ အမျိုးမျိုးသော ဒုက္ခတွေကို ခါးစည်းခံပြီး..မြန်မာပြည်မှာ ကျန်ရစ်ခဲ့တဲ့ မိသားစုတွေကို လုပ်ကိုင်ကျွေးမွေးနေကြရတာပါ။ ကိုရီးယားကိုရောက်လာကြရာမှာ ကုန်ထုတ်၊ မွေးမြူရေး၊ စိုက်ပျိုးရေးနဲ့ ဆောက်လုပ်ရေးဆိုပြီး ရှိကြရာမှာ အဆိုးဆုံးကတော့ စိုက်ပျိုးရေးနဲ့ မွေးမြူရေးပါပဲ။ အဲဒီစိုက်ပျိုးရေးနဲ့ မွေးမြူရေးမှာ လုပ်နေတဲ့သူတွေဆိုရင် ဒီမတရားပါဘူးလို့ဆိုတဲ့ EPS စံနစ် ရဲ့ဥပဒေတွေနဲ့တောင် မသက်ဆိုင်ဘူးလို့ ပြောပါတယ်။ ဥပမာ..အချိန်တွေ၊ လုပ်အားခတွေဆိုရင် ကုန်ထုတ်တို့ ၊ဆောက်လုပ်ရေးတို့လောက် မရပါဘူး။ လစာဒီလောက်မရတဲ့အပြင် ရာသီဥတုဒဏ်၊ ပင်ပန်းတဲ့ဒဏ်တွေဆိုတာကလည်း ကုန်ထုတ်သမားတွေထက် ပိုခံရပါသေးတယ်။ ဒါကြောင့် စိုက်ပျိုးရေးနဲ့ မွေးမြူရေးက ညီအစ်ကိုတွေကို ပြေးကြတာ မပြစ်မပြောလိုပေမယ့် ဒီအလုပ်တွေဟာအင်မတန်ကြမ်းတမ်းပါတယ်။ မြန်မာပြည်မှာလုပ်ကိုင်ဖူးတဲ့သူတွေလောက်ပဲအဆင်ပြေနိုင်ပါတယ်။၊ အပြစ်မပြောဘူးဆိုပေမယ့်လည်း မပြေးကြတာကတော့ အကောင်းဆုံးပေါ့ဗျာ။ ပြေးပြီးလို့ အိုသွားရင်လည်း အပြင်မှာ အလုပ်ရှာရတာခက်ခဲသလို၊ တရားဝင်တဲ့အခွင့်အရေးတွေဆုံးရှုံးကုန်တယ်ဆိုတာလဲ ညီအစ်ကိုတို့အသိဆုံးပါ။ အဲဒါကြောင့် အဆင်မပြေလို့ ရှိရင် အရင်ဆုံးနားလည်တဲ့ အလုပ်သမားကူညီရေးစင်တာတွေမှာ သွားရောက်ပြီးတော့ မိမိတို့ အခက်အခဲတွေကို အရင်ဆုံးပြောပြအကူအညီတောင်းသင့်ပါတယ်။ အဲဒီစင်တာတွေကလည်း အကူအညီမပေးဘူး ဆိုရင် နီးစပ်ရာမြန်မာတွေထံကိုအကူအညီတောင်းပြီးတော့ အခက်အခဲတွေကိုပြောပြပြီး၊နောက်အလုပ်တစ်ခုပြောင်းလို့ ရချင်လည်းပြောင်းဖို့ တိုက်တွန်းပါတယ်။ နောက်ဆုံးအဆင့် ပြေးကြတော့မယ်ဆိုရင်လည်း ဘာကြောင့်ပြေးကြရတယ်ဆိုတာကို မြန်မာလိုရေးပြီး ဟန်းဂုရွာမှာပဲဖြစ်ဖြစ်၊ အကူအညီပေးနေတဲ့ နောင်တော်တွေကိုပဲဖြစ်ဖြစ် ပေးသင့်ပါတယ်။ အဲဒီနောင်တော်တွေကလည်း ညီအစ်ကိုတို့ ဘာကြောင့်ပြေးရတယ်ဆိုတဲ့စာကို ကိုရိးယားအစိုးရကို ပို့ပေးမယ်ဆိုရင်တော့ နောက်ရောက်လာမယ့် ညီအစ်ကိုတွေအတွက် ဥပဒေတွေကို ပြင်ဆင်ကောင်းပြင်ဆင်ပါလိမ့်မယ်။ အဲဒါကတော့ နောက်ရောက်လာမယ့် ညီအစ်ကိုတွေအတွက် ခင်ဗျားတို့ရဲ့ ကူညီမှုတခုလို့ ပီတိဖြစ်နိုင်ပါတယ်။

တကယ်ကတော့ ဒီမတရားတဲ့ ဥပဒေတွေကို ပြင်ဆင်ဖို့အတွက် သက်ဆိုင်ရာနိုင်ငံက တာဝန်ရှိသူတွေရဲ့ပူးပေါင်းဆောင်ရွက်မှုကလည်းလိုအပ်လှပါတယ်။ EPS စံနစ် နဲ့ အလုပ်သမားပို့ပေးနေတာ (၁၄) နိုင်ငံလို့ သိရပါတယ်။ အရင်ဦးဆုံး (၁၄) နိုင်ငံက တာဝန်ရှိသူတွေအနေနဲ့ ညှိနှိုင်းပြီးတော့ ကိုရီးယား အစိုးရနဲ့ ဆွေးနွေးပြီး မတရားတဲ့ မမျှတတဲ့ဥပဒေတွေကို ပြင်ဆင်ခိုင်းသင့်ပါတယ်။ ဒီလိုဆွေးနွေး၊ပြင်ဆင်ခိုင်းမှပဲ ဒီဥပဒေတွေကိုပြင်ပေးမှာပါ။ သက်ဆိုင်ရာ နိုင်ငံက တာဝန်ရှိသူတွေအနေနဲ့ ဒီပြဿနာတွေကို လှစ်လျူရှုထားအုံးမယ်ဆိုရင်တော့ ကျနော်တို့ E9 အလုပ်သမားတွေ အနေနဲ့ဆက်ခံရအုံးမယ့်သဘောရှိပါတယ်။

နောက်ဆုံးနိဂုံးချုပ်ရရင်တော့..ညီအစ်ကိုတို့ရဲ့ အခက်အခဲ၊ အကြပ်အတည်းတွေကို ကိုယ်တိုင်ဖောက်ထွက်ကြိုးစားပြီး မြန်မာတွေဟာ လူညံ့တွေမဟုတ်ဘူး..သခင်တွေဟေ့လို့ ပြသရမှာဖြစ်ပါတယ်။ နောက်ပြီးတော့ ဒီမှာ မြန်မာပြည်မှာ မပြည့်စုံတဲ့ကျောင်းတွေ ၊ သဘာဝဘေးအန္တရယ်တွေကြောင့် ဒုက္ခရောက်နေတဲ့မြန်မာနိုင်ငံသားတွေကိုကူညီပေးနေတဲ့ ပရဟိတ လုပ်ကိုင်နေတဲ့အဖွဲ့အစည်းတွေတော်တော်များများရှိပါတယ်။ ကိုယ်တိုင်မလုပ်ကိုင်နိုင်ရင်တောင် အလှူငွေလေးတွေကို လှူဒါန်းပေးကြပါလို့ မေတ္တာရပ်ခံချင်ပါတယ်။ အဖြူရောင်မေတ္တာလူငယ်အဖွဲ့တို့၊ ကံ့ကော်ဖောင်ဒေးရှင်းတို့၊ အနာဂတ်အလင်းရောင်တို့၊ ရွှေလက်ကမ်းအဖွဲ့တို့၊ တခြားကျနော်မသိသေးတဲ့အဖွဲ့တွေလည်းရှိပါသေးတယ်။ ဖြစ်နိုင်ရင် အောက်မှာကွန်မန့်လေးတွေရေးပေးစေလိုပါတယ်။

အားလုံးကိုလေးစားလျက်
ဝင်းလှိုင်

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Thursday, August 21, 2014

ဝမ်းမြောက်စွာ သာဓုခေါ်ပါလေကုန်

ဓမ္မဒူတ(ကိုရီးယား) ၂၀၁၄ နွေရာသီ ခရီးစဉ် ၃ ခု အနက် ၊ ခရီးစဉ်အမှတ်၃ ဆုတ်ချိုခရီးစဉ်မှ အသုံးစရိတ်ထက် ပိုလျှံငွေ စုစုပေါင်း ဝမ် ၁၀ သိန်းတိတိအား သာသနာတော် အဓွန့်ရှည်တည်တန့်ပြန့်ပွါးရေးအတွက် ရည်စူးလျက် ၊ ဓမ္မဒူတ(ကိုရီးယား)သို့ လှူဒါန်းပြီးဖြစ်ပါကြောင်း နှင့် လှူဒါန်းမှု ကုသိုလ် အဖို့ဘာဂကို ၃၁ ဘုံသားတို့အား ဝမ်းမြောက်စွာ အမျှပေးဝေအပ်ပါကြောင်း ။

- ဓမ္မဒူတ(ကိုရီးယား) ၂၀၁၄ နွေရာသီ ခရီးသွား မိတ်ဆွေ ညီအစ်ကိုမောင်နှမများနှင့် သာသနာချစ်ခင် သူတော်စင်အပေါင်းတို့ ဝမ်းမြောက်စွာ သာဓုခေါ်ကြပါလေကုန် ။

မေတ္တာဖြင့်-
ဓမ္မဒူတ(ကိုရီးယား)
၂၀၁၄-၀၈-၂၁

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Wednesday, August 20, 2014

စာပေဟောပြောပွဲ ဖိတ်ကြားခြင်း

ရေးသားသူ — အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) ကိုရီးယားဌာနခွဲ



မလေးရှားနိုင်ငံ ၌နေထိုင်နေသည့် စာရေးဆရာ ဦးသက်ဆွေ နှင့် ဆရာမ ဒေါ်စီလေးခိုင် (သားဖွား ၊ မီးယပ်) တို့၏ စာပေဟောပြောပွဲကို အောက်ဖော်ပြပါ အစီအစဉ် အတိုင်း စီစဉ်ထားပါတယ်။ ဆရာ ကတော့" ဒို့ ပရဟိတ စိတ်ဓာတ်" ခေါင်းစဉ်ဖြင့် ဟောကြားမှာဖြစ်ပြီး ဆရာမကတော့ "အသက်ကလေးရယ်တဲ့ ရှည်စေလို" ဆိုတဲ့ ခေါင်းစဉ်ဖြင့် ဟောကြားမှာ ဖြစ်ပါတယ် ကိုရီးယားနိုင်ငံရောက် မြန်မာနိုင်ငံသူ မြန်မာနိုင်ငံသားအပေါင်းအားလေးစားစွာဖြင့် ဖိတ်ကြားအပ်ပါသည်။




 နေ့စွဲ။ သြဂုတ်လ ၂၄ ရက်၊ ၂၀၁၄ ခုနှစ်၊ တနင်္ဂနွေနေ့
အချိန်။ နေ့လည် ၂ နာရီမှ ၅ နာရီအထိ
နေရာ။ အမျိုးသားဒီမိုကရေစီအဖွဲ့ချုပ် ( လွတ်မြောက်နယ်မြေ ) ကိုရီးယားဌာနခွဲ ရုံးခန်း၊
ရုံးခန်းလိပ်စာ။ 부천시 원미구 심곡동 (161 – 3 – 502 호) 부천역 PH: 032-656 – 6932 ပူချွန်းဘူတာ ထွက်ပေါက်နံပါတ် (၄)

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Monday, August 18, 2014

EPS Guide: အီးပီအက်စ်လမ်းညွှန်



ကိုရီးယားနိုင်ငံကို EPS အလုပ်ပါမစ်စနစ်နဲ့ သွားရောက်ဖို့ စိတ်ကူးရှိပါသလား...
အီးပီအက်စ်နဲ့ သွားရောက်ဖို့ စတင်လုပ်ဆောင်နေပြီလား...
ကိုရီးယားမှာ အီးပီအက်စ်အဖြစ်နဲ့ အလုပ်လုပ်ကိုင်နေပြီလား...
ဘာပဲဖြစ်ဖြစ် အီးပီအက်စ်နဲ့ ပတ်သက်မယ်ဆိုရင် ဒီစာအုပ်ကို ဆောင်ထားပါ။

ဒီစာအုပ်မှာ...

ကိုရီးယားမှာ နေထိုင်လုပ်ကိုင်တဲ့အခါ မလုပ်မဖြစ် လုပ်ဆောင်ရမှာတွေ၊ မသိမဖြစ် နားလည်ရမှာတွေ၊ မပြောမဖြစ် စကားလုံးတွေကို တိတိကျကျ သေသေချာချာ ရှင်းရှင်းလင်းလင်း လမ်းညွှန်ထားပါတယ်။

ကိုရီးယားရဲ့ အလုပ်သမားဆိုင်ရာတွေကို မြန်မာလို လွယ်လွယ်ကူကူနဲ့ ပီပီပြင်ပြင် နားလည်ရမယ်လို့ အာမခံပါတယ်။

ကြော်ငြာချင်ရင်...

ဒီစာအုပ်မှာ ကိုရီးယား-မြန်မာ စီးပွားရေးလုပ်ငန်းများကို
လမ်းညွှန်ကြော်ငြာ အဖြစ် ထည့်သွင်းချင်တယ်ဆိုရင် အောက်ပါအစီအစဉ်အတိုင်း လက်ခံသွားပါမယ်။

၁) 100mmX40mm အကျယ်အ၀န်အတွင်း၊ အဖြူအမည်း ပုံနှိပ်ပါမယ်။
၂) လုပ်ငန်းအမည်၊ အမျိုးအစား၊ ဖုန်းနံပါတ်၊ လိပ်စာ စသည် ထည့်သွင်းနိုင်ပါတယ်။
၃) လိုဂို၊ ဒီဇိုင်း ထည့်လိုရင် ကြော်ငြာရှင်က လုပ်ပြီးပေးရပါမယ်။ (Image resolution: 300dpi, Color: BW, File format: jpg/jpeg/png/gif/psd/ai ဖြစ်ရပါမယ်။)
၎) ၂၀၁၄ သြဂုတ်လ ၃၁ ရက်နေ့ နောက်ဆုံးထား လက်ခံသွားပါမယ်။
၅) ကြော်ငြာခနဲ့ အသေးစိတ်သိရှိလိုပါက အီးမေးလ် win1000dow.kr@gmail.com, paw369maung@gmail.com သို့ စာဖြင့် ဆက်သွယ်ပါ။ ဖေ့ဘွတ်မှ ဆက်သွယ်ချင်ရင် https://www.facebook.com/marlar.shwe သို့ ဆက်သွယ်ပါ။ ဖုန်းနဲ့ဆိုရင်တော့ +82) 010-2642-5712, +82) 010-4034-5712 သို့ ဆက်သွယ်ပါ။

ထောင်စုပြတင်းစာအုပ်တိုက်မှ စက်တင်ဘာလအတွင်း မြန်မာပြည်နဲ့ ကိုရီးယားမှာ တပြိုင်နက် ထုတ်ဝေဖြန့်ချိပါမယ်။

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Sunday, August 17, 2014

ကျော်ဇင်ဦးသို့ ..

ရေးသားသူ — ခန့်နေသူတုိုး




 ညီလေးရေ .. မင်းအကြောင်းနဲ့ ပါတ်သက်တာတွေကို သိချင်ကြတဲ့ အခြားညီအကိုတွေလည်း ရှိနေကြတာရယ် .. မင်းလည်း သိချင်နေမှာပဲ ဆိုတဲ့ အတွေးရယ်ကြောင့် အကို ဒီစာကိုရေးလိုက်တယ် ။ မင်းသေပြီးတဲ့နောက် မင်းအလောင်း မြေကျဖို့ကိစ္စကို ဆိုးလ်မြန်မာသံရုံးက အလုပ်သမားတာဝန်ခံ ကိုဟန်ဝင်းအောင်ရယ် .. အကိုရယ် .. မင်းစက်ရုံက သူဌေးရယ် .. မင်းတို့ ခရမ်းက မိတ်ဆွေတွေရယ် .. ဂင်မဲဖက်က မြန်မာ သူငယ်ချင်းတွေရယ် .. အားလုံးအတူတကွ တက်ညီလက်ညီ ပူးပေါင်း လုပ်ကိုင်ပေးခဲ့ကြတယ် ။ မြန်မာပြည်က မင်း ညီလေးနဲ့ မင်းဦးလေးလည်း အကိုတို့ လှမ်းခေါ်လိုက်လို့ ရောက်လာကြတယ် ။ ပြီးတော့ မင်းမသေခင် မျိုးခိုင်ဆီက ချေးထားတဲ့ ပိုက်ဆံ ၁၂ သိန်းလည်း ပြန်ဆပ်ပေးလိုက်ပြီ ။ မင်းအတွက်လည်း ဂင်မဲပြည်တော်ဦး ဘုန်းဘုန်းနဲ့ အလှူအတန်း ကုသိုလ်ကောင်းမှုကုသိုလ်တွေလည်း လုပ်ပေးခဲ့ကြလို့ .. ရောက်ရာဘဝက သာဓုခေါ်လိုက်ပါ ငါ့ညီ ။

ဒုတိယပိုင်း အနေနဲ့ မင်းရဲ့ ရပိုင်ခွင့်နဲ့ပါတ်သက်လို့ ပြောပြချင်တယ် ။ မင်းမရှိတော့ မင်းရဲ့ ဘဏ်စာအုပ်က သုံးလို့မရတော့ဘူး ဖြစ်သွားတယ် ။ လျှို့ဝှက်နံပါတ်လည်း တို့က မသိဘူးလေ ။ ဒါနဲ့ ဘဏ်ကို မင်းသေဆုံးသွားကြောင်း အထောက်အထားနဲ့ တင်ပြပြီး မင်းအကောင့်ထဲက လစာနဲ့ အပြန်လေယဉ်စရိတ် အာမခံ ငါးသိန်း .. စုစုပေါင်း ဝမ် ၁၇ သိန်းကို မင်းညီလေးရဲ့ ဘဏ်ထဲကို လွှဲထည့်ပေးလိုက်တယ် ။ လောလောဆယ်တော့ အဲဒီ ပိုက်ဆံရယ် .. မင်းအတွက် ရည်ရွယ်ပြီး မင်းသူငယ်ချင်းတွေ ကူညီထောက်ပံ့ထားတဲ့ ပိုက်ဆံတွေရယ်ကို မင်းအမေဆီ ပို့ပေးဖို့ မင်းညီလေးနဲ့ မင်းဦးလေး မြန်မာပြည် အပြန်မှာ ထည့်ပေးလိုက်တယ် ။

အခု လူတွေသိချင်နေတာက မင်း ဘာဖြစ်လို့ သေတာလဲ ဆိုတာကိုပဲ ဖြစ်တယ် ။ အချို့က မင်း ဓါတ်လိုက်ပြီး သေတယ်လို့ ပြောတယ် ။ အချို့က အမောဖောက်တယ် .. အချို့က သူရဲခြောက်ခံရတယ် .. အမျိုးမျိုးပေါ့ကွာ .. လူတွေပဲ .. သိတယ်မလား .. ပါးစပ်ပါတော့ ပြောကြတာပေါ့ .. ဒါပေမယ့် တရားဝင်တော့ ရဲရဲတင်းတင်း လူရှေ့ထွက် ထက်မြင်ချက်ပေးတာမျိုးတော့ တစ်ယောက်မှ မရှိသေးဘူး ။ အကိုတို့ကလည်း အကိုတို့ဆီ တိုက်ရိုက် ဆွေးနွေးအသိပေးလာတာမျိုး မဟုတ်တဲ့ နောက်ကွယ်ကနေပဲ တီးတိုးတီးတိုးထွက်နေတဲ့ အသံတွေနဲ့တော့ ဘာတစ်ခုကို တိတိကျကျ ဆောင်ရွက်လို့ ရမှာတုန်း ။ သတ္တိမရှိကြတာလား .. ပါးစပ်အကျင့်ပဲလား .. မင်းတစ်ကယ် ဓါတ်လိုက်သေခဲ့တာကို သူဌေးက ဖုံးကွယ်တာဆိုရင်တော့ ငါ့ညီ တစ်ကယ်ကို နစ်နာရပါတယ် ။ ဒါပေမယ့် ကိုယ့်ဖက်က လူတောင်သေပြီးပြီပဲကွာ .. ဘာကိုကြောက်နေစရာ လိုမှာလဲ .. ပြောနေသူတွေက အမှန်တရားကို တစ်ကယ်သိရင် ရဲရဲရင့်ရင့် အကိုတို့နဲ့ လာရောက်ပူးပေါင်း အကျိုးအကြောင်းကို တိုင်ပင်လုပ်ဆောင်သင့်ပါတယ် ။ သူတို့တွေ တီးတိုးတီးတိုး ပြောနေကြသလို ဟုတ်လား မဟုတ်လားဆိုတာကို မင်းကလည်း လာပြီး ဖြေရှင်းပေးနိုင်တာ မဟုတ်တော့ သူတို့ပြောတာ မှန်သလား ရဲစခန်း အလုပ်သမားရုံးနဲ့ ဆေးရုံကပြောတာတွေက မှန်သလားဆိုတာ ဘယ်လိုဆုံးဖြတ်နိုင်မှာတုန်း ။ ဒါပေမယ့် အခုထက်ထိ မင်းဘာကြောင့်သေရတယ် ဆိုတာကို စစ်ဆေးထားချက် ထွက်မလားသေးတာတော့ အမှန်ပဲ။

ပထမ ရဲစခန်းက ပြောတာတော့ မင်းအလောင်းကို ခွဲစိတ်စစ်ဆေးထားချက် ၂ ပါတ်အကြာမှာ ထွက်မယ်ပြောခဲ့ပေမယ့် အခု ထပ်ကြာအုံးမယ် ဆိုတယ် ။ အခြားကို စုံစမ်းကြည့်တော့ ပုံမှန် အလောင်းစစ်ဆေးမှုတွေဟာ အဖြေထွက်ဖို့ တစ်လခန့်လောက် ကြာတတ်တယ် ဆိုတယ် ။ အင်တာနက်မှာ အကိုရှာကြည့်တော့ အချို့ဆို ၂ လလောက်အထိ အဖြေမထွက်တာတွေလည်း ရှိကြတယ် ။ ဆက်စောင့်ကြည့်ပြီး အဖြေထွက်ရင် ထွက်သလို ပြောပြပါမယ် ။ မထွက်တော့လည်း မထွက်တဲ့ အလျှောက် အဲဒီတော့မှ လုပ်စရာကိုင်စရာတွေ ဆက်လုပ်ရမှာပေါ့ ။ အချို့ဆို လုပ်ငန်းခွင်ထိခိုက်မှုကြောင့် သေဆုံးရင် စက်ရုံပိတ်ရမှာ စိုးလို့ သူဌေးက မင်းအလောင်းထဲကို ဘာကြောင့် သေဆုံးတယ်ဆိုတာ မသိရအောင် ဆရာဝန်တွေကို ငွေပေးပြီး ဆေးထိုးလိုက်တယ် .. လို့လည်း ဆိုကြတယ် ။ အကယ်၍ မဟုတ်များ မဟုတ်ခဲ့ရင် အဲလို ပြောတာကို သူဌေးက အသံဖမ်းထားပြီး ရဲကိုတိုင်ရင် ကိုယ်က ဘာသက်သေ အထောက်အထားမှ မပြနိုင်လို့ အလကားနေရင်း ကြားထဲကနေ ပြသနာတက်အုံးမှာ ။ ဒီမှာက ထင်တာနဲ့တင် ဘာမှလုပ်လို့မရဘူး .. အကိုတို့က အခင်းဖြစ်ချိန်မှာ အနားမှာ ရှိတာမဟုတ်ဘူးလေ ။ အတူအလုပ်လုပ်ကိုင်သူတွေ မျက်မြင်တွေက ဒီလိုထင်မြင်ကြောင်း .. ဓါတ်လိုက်သေဆုံးတာ ဖြစ်နိုင်ကြောင်းတော့ ပြောဆိုပိုင်ခွင့်ရှိတယ် ။ ဒါပေမယ့် ကျနော်တို့တော့ ဒီလိုထင်တယ် .. ဒါပေမယ့် မပြောရဲဘူး .. အကိုပဲ ကြည့်ကျက်ပြောပါ .. အမှုမှန်ပေါ်အောင် ဆောင်ရွက်ပေးပါ ဆိုတာမျိုး လုပ်လို့မရဘူး ။ တစ်ကယ်သိသူက ထွက်လာခဲ့ .. အကိုက ဘေးကရပ်ပေးမှာပေါ့ ။ ဒါပေမယ့် ခုထိတော့ တစ်ယောက်မှ ဂဃနဏ သိသူ မရှိဘူး ။ မမြင်လိုက်ဘူး .. အဲလိုပြောတာ ကြားလိုက်သလိုပဲ ဆိုတာနဲ့ပဲ ဝေ့လည်ချောင်ပါတ် .. ပါတ်လည်ရိုက်နေတယ် ။ 




လုပ်ငန်းခွင်ထဲမှာ အလုပ်လုပ်ရင်းသေရင်တော့ ကိုရီးယားမှာ ရေသောက်ရင်း ရေနင်သွားလည်း လုပ်ငန်းခွင် ထိခိုက်မှုပါပဲ ညီရေ ။ လုပ်ငန်းခွင်ထဲ မဟုတ်ပဲ အပြင်မှာ ရောဂါကြောင့် မတော်တဆကြောင့် သေဆုံးရင်တော့ ရိုးရိုး အသက်အာမခံကြေးပဲ ရမှာပါ ။ ငါ့ညီတို့ ရွှေ့ပြောင်းအလုပ်သမားတွေ အီးနိုင်းဗီဇာနဲ့ ကိုရီးယားကို ဝင်လာရင် အသက်အာမခံဆိုတာ ထားရပါတယ် .. ဝမ် ၄ သောင်းဝန်းကျင် ရှိမယ်ထင်တယ် ။ တစ်ကြိမ်ပဲ ငွေသွင်းထားရပါတယ် .. သက်တမ်းက ၃ နှစ်အထိရတယ် ။ ကိုရီးယားဝင်လာပြီး ၃ နှစ်အတွင်း ဗီဇာ ရှိရှိမရှိရှိ လုပ်ငန်းခွင်ပြင်ပမှာ သေဆုံးရင် အသက်အာမခံကြေး ရရှိနိုင်တယ် .. ပမာဏကတော့ အသက် .. ဝင်ငွေ .. အလိုက် အနဲငယ်ဆီ ကွဲပြားနိုင်ပေမယ့် ဝမ် သိန်း ၁၅၀ ဝန်းကျင်လောက်လို့ အကြမ်းသာ မှတ်ထားလိုက်ရင် ရပြီ ညီ .. ဒါပေမယ့် အခု မင်းက အလုပ်ခွင်ထဲမှာ သေတာဆိုတော့ ဒီတိုင်း ရိုးရိုး အသက်အာမခံ မဟုတ်ပဲ ထိခိုက်မှု အာမခံကို လျှောက်ထားဖို့ အကိုတို့က ဆုံးဖြတ်ခဲ့တယ် .. ။ ဒါမှ မင်းကိုယ်တိုင် ကိုယ်ထိလက်ရောက် မပြုစုနိုင်တော့မယ့် မင့်အမေကို ငွေကြေးပမာဏ များများနဲ့ မင်း နောက်ဆုံးပိတ် အလုပ်အကျွေးပြုနိုင်မှာ မဟုတ်လား .. အဲဒီအတွက် အကို မင်းကို အစွမ်းကုန် ကူညီမှာပါ ။ 



ဒါပေမယ့် ငါ့ညီရေ .. ဒီမှာ အခက်အခဲ တစ်ခုက ဖြစ်နေတယ် ။ မင်းနားလည်အောင် အကို အကျဉ်းချုပ်ပြောပြမယ် ။ ကိုရီးယားမှာ ဘဏ်တို့ .. စရိတ်အာမခံတို့ .. အသက်အာမခံတို့ ဆိုတာတွေက ပုဂ္ဂလိကပိုင်တွေ ဆိုတော့ မင်းရဲ့ ညီလေး မြန်မာပြည်က ယူလာတဲ့ .. သန်းခေါင်စာရင်း .. ဘာထောက်ခံစာ ညာထောက်ခံစာ ကိုယ်စားလှယ်လွှဲစာ .. အစရှိတဲ့ ဆူးလေ ဘဏ် ၃ တရားရုံးပေါင်းစုံ စုရပ် လမ်းဘေး ထိုင်ခုံထီးအမိုးလေးတွေ အောက်မှာ နိုထရီပြန်ပြီး ယူလာတာတွေနဲ့တင် ဘာအခက်အခဲမှ မရှိပဲ .. ဆောင်ရွက်လို့ ရနိုင်ပေမယ့် .. ထိခိုက်မှု အာမခံကတော့ အစိုးရပိုင် ဖြစ်တဲ့အတွက် .. နဲနဲ တင်းကျပ်တယ် ဆိုရမယ်ကွာ ။ ငွေပမာဏကလည်း များတော့ အဲလို နိုထရီ ပြန်တာနဲ့တင် မရဘူးတဲ့ ။ မြန်မာနိုင်ငံ နိုင်ငံခြားရေး ဝန်ကြီးဌါနက ဒါတွေအားလုံးကို မှန်ကန်တဲ့ စာရွက်စာတမ်းဖြစ်ကြောင်း ထောက်ခံချက်နဲ့ .. မြန်မာနိုင်ငံဆိုင်ရာ ကိုရီးယား သံရုံးကပါ ပူးတွဲထောက်ခံပေးရမယ် လို့ ဆိုတယ် ။ ဒါကြောင့် အလုပ်သမားရုံး ထိခိုက်မှုအာမခံ တာဝန်ခံနဲ့ အခေါက်ခေါက် သွားတွေ့ပြီး ဆွေးနွေးပြလို့ .. အခုတော့ အဲလို ထောက်ခံချက်တွေ မလိုတော့ဘူး ဖြစ်သွားတယ် .. အဲဒီအစား ဆိုးလ်မြန်မာသံရုံးကတော့ အားလုံးကို တာဝန်ယူ ထောက်ခံပေးရမယ် လို့ဆိုတယ် ။ ဒါကတော့ ပြသနာ မရှိပါဘူး .. ထောက်ခံပေးမှာပါ ။ ဒီမှာ တစ်ခု ကျန်နေတာက လုပ်ငန်းခွင် ထိခိုက်မှု အာမခံ ဥပဒေ စည်းမျဉ်းပါ အချက်တစ်ချက်ပဲ ဖြစ်တယ် ။

လုပ်ငန်းခွင် ထိခိုက်မှုအာမခံ ဥပဒေအရ .. အာမခံလျှောက်ထားသူ ကိုယ်တိုင်က လျှောက်ထားရမှာ ဖြစ်တယ် ။ အကယ်၍ ကိုယ်တိုင်က ငါ့ညီလိုမျိုး အသက်သေဆုံးခဲ့တာဆိုရင်တော့ မိသားစုက ကိုယ်စား လျှောက်ထားနိုင်တယ် ။ ဒါပေမယ့် မိသားစု ဆိုတာမှာ ငါ့ညီက အိမ်ထောင်ရှိသူဆိုရင် မင်းရဲ့ အိမ်ထောင်ဖက်က လျှောက်ထားရမှာ ဖြစ်ပြီး .. မရှိရင်တော့ မင်းမိဘက လျှောက်ထားရမှာ ဖြစ်တယ် ။ အိမ်ထောင်ဖက်ရော .. မိဘရော မရှိတော့ရင်တော့ .. အဲဒီတော့မှ အခြားမိသားစုဝင်က ကိုယ်စားလျှောက်ထားနိုင်မှာ ဖြစ်တယ် ။ အခု ငါ့ညီရဲ့ အမေက သက်ရှိထင်ရှားရှိသေးတယ် ဆိုတော့ မင်းအမေကိုယ်တိုင်က လျှောက်ထားမှ ရမယ်ပြောတယ် ။ ဘယ်လိုလုပ်မလဲ .. မင်းအမေက ဟိုး ခရမ်းမှာ .. လျှောက်ရမှာက ကိုရီးယားမှာ .. ။

လမ်းကြောင်းတွေတော့ ရှာဖွေထားတယ် ညီရေ .. သံရုံးက အလုပ်သမားတာဝန်ခံနဲ့လည်း ဆွေးနွေးတိုင်ပင်ရအုံးမယ် ။ အာမခံဌါနက တာဝန်ခံပြောတာတော့ ကိုရီးယားရှေ့နေ့ (သို့) အလုပ်သမားရှေ့နေကို မင်းအမေက ကိုယ်စားလှယ် လွှဲတဲ့ နည်းလမ်းတော့ ရှိတယ် ပြောတယ် ။ အဲလို ရှေ့နေတွေကတော့ ကိုရီးယား ဥပဒေအရ အခြားသူဆီက ကိုယ်စားလှယ် လွှဲခံပိုင်ခွင့် လိုင်စင်ရှိထားကြသူတွေ ဖြစ်လို့ပဲ ဖြစ်တယ် ။ ထိခိုက်မှုအာမခံငွေကြေးဟာ အစိုးရပိုင် ပိုက်ဆံဖြစ်လို့ .. ပမာဏလည်း များလို့ .. နောင်အခါမှာ အရှုပ်အရှင်းတွေ ဖြစ်မလာရအောင် အခုကတည်းက တင်းကျပ်စွာ သက်သေအထောက်အထား မှန်ကန်မှုကို အတည်ပြုရခြင်း ဖြစ်ပါတယ် .. လို့ အလုပ်သမားဖူလုံရေးဌါန လုပ်ငန်းခွင်ထိခိုက်မှု အာမခံ တာဝန်ခံက နောက်ဆုံးပိတ် ဖြေရှင်းချက် ပေးလာတယ် ။ ဒီလိုနဲ့ နောက်ရက်ကျတော့ အကြံတစ်ခုပေါ်လာတာနဲ့ အာမခံဌါနက တာဝန်ခံနဲ့ ဆွေးနွေးကြည့်တော့ အဆင်ပြေတယ်ပြောတယ်။ အဲဒီအကြံကတော့ ညီလေးရဲ့ မိခင်ကိုယ်တိုင်က ညီလေးအတွက် အာမခံလျှောက်ထားပေးဖို့ပဲ ဖြစ်တယ် ။ ရှေ့နေတွေ ဘာတွေငှားရင် စားရိတ်စားခက ရှိသေးတယ်လေ .. ဒါကြောင့် ရှေ့နေကို ကိုယ်စားလှယ် မလွှဲတော့ပဲ ငါ့ညီအမေက မြန်မာပြည်ကနေ တိုင်ရိုက်လျှောက်ထားဖို့ပေါ့။ လိုအပ်တာတွေကတော့ မင်းမှာ အိမ်ထောင်မရှိကြောင်း ထောက်ခံချက်ရယ် မင်းနဲ့ မင်းအမေတို့ သားအမိတော်စပ်ကြောင်း သန်းခေါင်စာရင်းရယ် မင်းအမေရဲ့ မှတ်ပုံတင်ရယ် .. ပြီးတော့ မင်းအမေကို ကိုရီးယားဘဏ် တစ်ခုနဲ့ ချိတ်ဆက်ထားတဲ့ မြန်မာပြည်က ဘဏ်တစ်ခုမှာ အကောင့်တစ်ခုဖွင့်ပြီး ဘဏ်စာအုပ် လုပ်ထားဖို့ပဲ ဖြစ်တယ် ။ ပြီးရင် ဒါတွေအားလုံးကို မြန်မာပြည် နိုင်ငံခြားရေးဝန်ကြီး ဌါနက မှန်ကန်ကြောင်း ထောက်ခံပေးရယ် .. နောက် ကိုရီးယားလို ဘာသာပြန် .. နိုထရီလုပ် .. မြန်မာနိုင်ငံဆိုင်ရာ ကိုရီးယားသံရုံးကပါ ဆက်လက်ထောက်ခံပေးရမယ် ဆိုတယ် ။ လျှောက်လွှာကိုတော့ ဒီကနေ အီးမေလ်းနဲ့ ပို့ပေးမယ် .. မင်းအမေက လက်မှတ်ထိုး ဒီကို ပြန်ပို့ပေါ့ ။ နောက် .. လျှော်ကြေးငွေကိုတော့ ကိုရီးယား အစိုးရ လုပ်ငန်းခွင်ထိခိုက်မှုအာမခံ ဌါနကနေ မင်းအမေရဲ့ ဘဏ်ထဲကို တိုက်ရိုက်လွှဲထည့်ပေးလိမ်မယ် ။ ကဲ . လောလောဆယ်တော့ အကိုသိသမျှ ဒါ အကုန်ပဲ ညီရေ .. ထူးခြားရင်တော့ စာထပ်ရေးလိုက်ပါအုံးမယ် ။ အပေါ်မှာ ညီလေးကြည့်ဖို့ .. ဓါပုံတွေတင်ပေးလိုက်တယ် ။

၁။ မင်းကို သေဆုံးကြောင်းအတည်ပြုချက်ပေးတဲ့ ဆရာဝန် အမည်နဲ့ဖုန်းနံပါတ်
၂။ မင်းကို အရေးပေါ်ကားနဲ့ တင်ခေါ်သွားတဲ့ အထောက်အထား ၊ အချိန်နေ့ရက် မှန်ကန်ကြောင်းထောက်ခံစာ
၃။ မင်းသေဆုံးပြီး စက်ရုံကို လာရောက်စစ်ဆေးတဲ့ အလုပ်သမားရုံးတာဝန်ခံ လိပ်စာကဒ်
၎။ မင်းသေဆုံးပြီး စက်ရုံကို လာရောက်စစ်ဆေးတဲ့ ရဲကတော့ 이재식 형사 လို့ ခေါ်တယ် ။
ဖုန်းနံပါတ်က 055-310-0307 ပါ ။

အလောင်းခွဲစိတ်စစ်ဆေးမှု ဘာလို့ကြာနေရတာလဲဆိုတဲ့ အမေးနဲ့ ပါတ်သက်လို့ သူတို့က ဒီ လင့်ကလေးကို ပြန်ပို့ပေးတယ် ။ http://me2.do/GqIZ3xXR အဲဒီ အထဲမှာ အဖေဖြစ်သူ ကားတိုက်ခံရပြီး သေဆုံးသွားတာ ၂ လကျော်ပြီ အဖြေထွက်မလာသေးလို့ သမီးဖြစ်သူက မေးထားတဲ့ မေးခွန်းပါ ။ အလောင်းကို မီးရှို့လိုက်ပြီ ဖြစ်လို့ ပြန်လည် စစ်ဆေးလို့လည်း မဖြစ်နိုင်တော့ဘူး .. ဘယ်လိုလုပ်ရမလဲဆိုတာ စိုးရိမ်စိတ်နဲ့ မေးထားတာပါ ။ ပြန်ဖြေတာကတော့ ဒီလိုပဲ ကြာတတ်တယ် ။ ကိုယ်ခန္ဒာ အစိတ်အပိုင်း တစ်ခုစီကို စစ်ဆေးပြီး မှတ်တမ်းတင်ထားပြီး ဖြစ်လို့ ပျောက်စရာ မရှိပါ ။ ပညာရှင်က ဆက်စပ်အဖြေထုတ်ဖို့ပဲ ကျန်တာပါလို့ ဖြေပါတယ် ။ ကဲ ထူးခြားတော့မှ ထပ်ရေးလိုက်အုံးမယ် ညီရေ ။

ရောက်ရာဘဝမှာ ပျော်ရွှင်ချမ်းမြေ့ပါစေကွာ ။
မင့် အကိုကြီး .. ခန့်နေသူတိုး 

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Thursday, August 14, 2014

မြန်မာလုပ်သားများအတွက် ၊ တနင်္ဂနွေနေ့များတွင် ဘဏ်စာအုပ် နှင့် ဝန်ဆောင်မှုများ ပြုလုပ် ဆောင်ရွက်ပေးမည်

သြဂုတ် ၁၄ ၊ အင်ချောန်း
တနင်္လာ~သောကြာ အလုပ်ဖွင့်ရက်များအတွင်း ဘဏ်သို့ သွားရောက်ရန် အခက်အခဲရှိသူများအတွက် ၊ ဘဏ်ဝန်ဆောင်မှုများ လွယ်ကူ အဆင်ပြေစွာ လက်ခံဆောင်ရွက်နိုင်ကြစေရန် အလို့ငှာ ၊ အူးရီဘဏ်မှ ဝန်ထမ်းများက ယခုလာမည့် တနင်္ဂနွေနေ့မှ အစပြု ၍ မြန်မာစီတီတွင် အခြေစိုက်ရုံး ဖွင့်လှစ် ပြီး ၊ အောက်ဖော်ပြပါ ဝန်ဆောင်မှုလုပ်ငန်းများကို ဆောင်ရွက်ပေးမည်ဖြစ်ကြောင်း အသိပေးအပ်ပါသည် -
- ဘဏ်စာအုပ်ပြုလုပ်ပေးခြင်း ၊
- ဘဏ်ကတ်များပြုလုပ်ပေးခြင်း ၊
- (မိမိအမည်ဖြင့် မြန်မာပြည်သို့ တိုက်ရိုက် ငွေလွဲပို့လိုသူများအတွက်) နိုင်ငံခြား ငွေလွဲသူအဖြစ်မှတ်ပုံတင်ပေးခြင်း၊
- စမတ်ဖုန်းဖြင့် ငွေလွဲလိုသူများအတွက် ၊ စမတ်ဘင့်ကင်း ပြုလုပ်ပေးခြင်း ၊
- အင်တာနက်အသုံးပြုပြီး ငွေလွဲလိုသူများအတွက် ၊ အင်တာနက်ဘင့်ကင်း ပြုလုပ်ပေးခြင်း၊
- မိမိဘဏ်စာရင်းမှ ငွေဝင်ငွေထွက်များကို အချိန်နှင့်တပြေးညီ သိရှိလိုသူများအတွက် ၊ မက်ဆေ့ဂ်ျ ဆားဗစ် ပြုလုပ်ပေးခြင်း နှင့် ၊
- အခြား ဘဏ်ဝန်ဆောင်မှုကိစ္စများ ဆွေးနွေးပေးခြင်း ။

ဆောင်ရွက်ပေးမည့် ရက်နှင့် အချိန်မှာ အောက်ပါအတိုင်းဖြစ်ပါသည်-
- ရက်များ ။ သြဂုတ် ၁၇ မှ အစပြု၍ အောက်တိုဘာ ၁၂ ထိ တနင်္ဂနွေနေ့တိုင်း ။ နိုဝင်္ဘာမှ အစပြု၍ လစဉ် ဒုတိယပတ် တနင်္ဂနွေ ။
- အချိန် ။ နေ့လယ် ၁၁း၃၀ နာရီမှ ညနေ ၅း၃၀ နာရီထိ ။

- မြန်မာစီတီ မှ မြန်မာဝန်ထမ်းများက ဖောင်ဖြည့်ခြင်းစသည်များနှင့် လိုအပ်သည်များကို မေတ္တာဖြင့် ကူညီ ဆောင်ရွက်ပေးသွားပါမည် ။

လေးစားမှုဖြင့်-
မြန်မာစီတီ
၀၇၀-၄၂၀၄-၂၄၅၇
၀၁၀-၅၅၄၉-၂၄၅၇
인천광역시 부평구 경원대로 1361-2 (부평동 341-131)

မှတ်ချက် ။ အထက်ပါ ဝန်ဆောင်မှုများနှင့်ပတ်သက်၍ စိတ်ပါဝင်စား သိရှိလိုသည်များ အထက်ပါ ဖုန်းနံပတ်များသို့ ဆက်သွယ်မေးမြန်းနိုင်ပါသည် ။

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

ရေးသားသူ —ဆုတောင်း

ပဉ္စမအကြိမ်မြောက် ကရင်ရိုးရာချည်ဖြူ ဖွဲ.မင်္ဂလာပွဲတော်ဖိတ်ကြားခြင်း


 တောင်ကိုရီးယားနိုင်ငံရောက် တိုင်းရင်းသားညီအစ်ကိုမောင်နှမများနှင့် အဖွဲ.စည်းအသီးသီးမှ လူကြီးမင်းများခင်ဗျား

ကရင်သက္ကရာဇ်၂၇၅၃ခုနှစ်တွင် ကရင်လူငယ်အစည်းအရုံး(ကိုရီးယားဌာနခွဲ)မှဦးစီးကျင်းပပြီး

ကျတော်များ တောင်ကိုရီးယားနိုင်ငံရောက် ကရင်အမျိုးသားများမှပဉ္စမအကြိမ်မြောက်ကရင့်ရိုးရာချည်ဖြူ ဖွဲ.

မင်္ဂလာပွဲတော်ကြီးအား(၁၇.၈.၂၀၁၄)တနင်္ဂနွေနေ.တွင်ဓမ္မဒူတ(ကိုရီးယား)ကျောင်းတော်(စကားဝါစတိုးဆိုင်)

အပေါ်ထပ်တွင် ကရင်လူမျိုးတို.၏ကရင့်ရိုးရာချည်ဖြူ ဖွဲ.မင်္ဂလာပွဲတော်ကိုစည်းကားသိုက်မြိုက်စွာကျင်းပမည်

ဖြစ်ပါသောကြောင့် တောင်ကိုရိးယားနိုင်ငံတွင်ရောက်ရှိနေကြသောမြန်မာတိုင်းရင်းသားညီအစ်ကို

မောင်နှမများမှတက်ရောက်အားပေးချီးမြင့်ပေးပါရန် လေးစားစွာ ဖိတ်ကြားအပ်ပါတယ်ခင်ဗျာ။

   နေ.ရက် -                   ၁၇-၈-၂၀၁၄

   အချိန်-                      နံနက် ၉နာရီမှနေ.လည် ၁ နာရီအထိ

   အခမ်းအနားအစီအစဉ်- နံနက် ၉နာရီမှနေ.လည် ၁၁း၃၀ နာရီ အထိ

  နေရာ -                    ဓမ္မဒူတ(ကိုရီးယား)ကျောင်းတော် (စကားဝါစတိုးဆိုင်)အပေါ်ထပ်

  ဆက်သွယ်ရန်ဖုန်း - စောလှိုင်မျိုးသိန်း ( ၀၁၀-၆၈၄၉-၃၀၆၁) စောနန္ဒမြ(၀၁၀-၂၅၁၉-၄၁၅၅)

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Monday, August 11, 2014

အလှူတော်မင်္ဂလာ ဖိတ်ကြားလွှာ


အလှူတော်မင်္ဂလာ ဖိတ်ကြားလွာ

ဓမ္မအလင်းအသင်းသားများ(DMLFC)၏ မိဘများကို အမှူးထား၍ အန်ဆန်းမြို့ သန္တိကရဝိဟာရ၌ ကျောင်းဝေယျာဝစ္စအတွက် လစဉ်လှူဒါန်းခဲ့ကြ၊ လှူဒါန်းနေကြဆဲဖြစ်သော ကုသိုလ်အစုစုကို ရေစက်ချ အမျပေးဝေပွဲအခမ်းအနားကို ပြုလုပ်လိုပါသဖြင့် သံဃာတော်အရှင်သူမြတ်များအား အရုဏ်ဆွမ်း နေ့ဆွမ်းဆက်ကပ်ပြီး ထပ်မံကုသိုလ်ယူမည်ဖြစ်ပါသည်။

သို့ပါ၍   သူငယ်ချင်းများအားလုံး လာရောက်၍ ဓမ္မအလင်းအသင်းသားများ၏ ကုသိုလ်အဖို့ကို သာဓုခေါ်ဆို အမျယူရင်း  အရသာရှိသောအာဟာရများကို လာရောက်သုံးဆောင်ကြပါရန် ခင်မင်လေးစားစွာဖြင့် ဖိတ်ကြားအပ်ပါသည်။
ခင်မင်လေးစားမှုဖြင့်
ဓမ္မအလင်းအသင်းသားများ
(DMLFC)

အစီအစဉ်
နေ့ရက် - ( ၁၇, ၈, ၂၀၁၄ ) တနင်္ဂနွေနေ့
တရားနာယူချိန် - မနက် (၁၀း၀၀) နာရီ
နေရာ - သန္တိကရဝိဟာရ၊ အန်ဆန်းမြို့

ဧည့်ခံမှု - အရသာရှိသော ဒံပေါက်

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Saturday, August 9, 2014

ရှစ်လေးလုံး (၂၆) နှစ်ပြည့် အထိမ်းအမှတ် အခမ်းအနားအစီအစဉ်

ရေးသားသူ —အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) ကိုရီးယားဌာနခွဲ




ရှစ်လေးလုံး ပြည်သူ့အရေးတော်ပုံကြီး (၂၆) နှစ်ပြည့်အထိမ်းအမှတ်အဖြစ် ကိုရီးယားနိုင်ငံရှိ တိုင်းရင်းသား အဖွဲ့အစည်းအသီးသီးမှ ခေါင်းဆောင်များမှ ဦးဆောင်ပြီး နိုင်ငံရေးဆွေးနွေးပွဲကို အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) ကိုရီးယားဌာနခွဲ ရုံးခန်းတွင် ကျင်းပပြုလုပ်မည် ဖြစ်ပါသဖြင့် ကိုရီးယားနိုင်ငံရောက် မြန်မာနိုင်ငံသားအပေါင်းအား လေးစားစွာဖြင့် ဖိတ်ကြားအပ်ပါသည်။

နေ့ရက် ။ ။ ၁၀၊၈၊၂၀၁၄ (တနင်္ဂနွေနေ့)
အချိန် ။ ။ နေ့လည်(၁) နာရီမှ (၄)နာရီထိ
အေကြ်းအေမြး ။ ။ဟန်ဘာဂါနှင့် ကိုလာအအေး ( အလှူရှင် သန်လျင် ကိုရဲ )
ကျင်းပမည့်နေရာ။ ။ အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) ကိုရီးယားဌာနခွဲရုံးခန်း
ရုံးခန်းလိပ်စာ။ ။부천시 원미구 심곡동 (161 – 3 – 502 호) 부천역 PH: 032-656 – 6932 / 010- 4744- 4084 (ပူချွန်းဘူတာ ထွက်ပေါက် နံပါတ် ၄)

အခမ်းအနားအစီအစဉ်

==============
၁။ အခမ်းအနားဖွင့်လှစ်ကြောင်း ကြေညာခြင်း။ ( ၁း၀၀ ~ )

၂။ ရှစ်လေးလုံး ဒီမိုကရေစီအရေးတော်ပုံအတွင်း ကျဆုံးလေပြီးသော အာဇာနည် သူရဲကောင်းအပေါင်းအား အလေးပြုခြင်း၊ ( ၁း၀၅ )

၃။ အဖွင့်အမှာစကားပြောကြားခြင်း။ ( ၁း၀၅ ~ ၁း၁၀ )
( ဦးနေထွန်းနိုင်၊ NLD ( LA ) ကိုရီးယားဌာနခွဲ ဥက္ကဌ )

၎။ ရှစ်လေးလုံးသမိုင်းနှင့် မပြီးဆုံးသေးသော အမျိုးသားရေးတာဝန်၊ ( ၁း၁၀ ~ ၁း၂၅ )
( ဦးမောင်မောင်လွင်၊ NLD ( LA ) ကိုရီးယားဌာနခွဲ အကြံပေး )
အပြန်အလှန်ဆွေးနွေးခြင်း ( ၁း၂၅ ~ ၁း၄၀ )

၅။ ရှစ်လေးလုံးစိတ်ဓါတ်နှင့် မြန်မာနိုင်ငံ အနာဂတ်၊ ( ၁း၄၀ ~ ၁း၅၅ )
( ဦးသက်နိုင်၊ NLD ( LA ) ကိုရီးယားဌာနခွဲ အတွင်းရေးမှူး )
အပြန်အလှန် ဆွေးနွေးခြင်း ( ၁း၅၅း ၂း၁၀ )

၆။ ပြည်တွင်းလူမူ့လိုအပ်ချက်များနှင့် ပြည်ပရောက် မြန်မာနိုင်ငံသားများ၏ တာဝန်၊( ၂း၁၀ ~ ၂း၂၅ )
(အနာဂတ်အလင်းရောင်အဖွဲ့ တာဝန်ခံ။ ဦးကျော်ဝင်းနိုင်၊)
အပြန်အလှန် ဆွေးနွေးခြင်း ( ၂း၂၅ ~ ၂း၄၀ )

၆။ ဖယ်ဒရယ်ပြည်ထောင်စုနိုင်ငံတော်သစ်တည်ဆေက်ရေးနှင့် တိုင်းရင်းသားများ၏ တာဝန်၊ ( ၂း၄၀ ~ ၂း၅၅ )
( ကရင်လူငယ်အစည်းအရုံး ဥက္ကဌ၊ ဦးစောလိူင်မျိုးသိန်း )
အပြန်အလှန် ဆွေးနွေးခြင်း ( ၂း၅၅ ~ ၃း၁၀ )

၇။ စာပေအန္တရာယ် မီဒီယာအန္တရာယ် ( ၃း၁၀ ~ ၃း၂၅ )
ထောင်စုပြတင်းဂျာနယ် အယ်ဒီတာ ဦးဝင်းပေါ်မောင်၊
အပြန်အလှန် ဆွေးနွေးခြင်း ( ၃း၂၅ ~ ၃း၄၀ )

၈။ဆွေးနွေးအကြံပြုချက်များကို လက်တွေ့အကောင်အထည်ဖေါ်ဆောင်ရွက်ရေး၊( ၃း၄၀ ~ ၃း၅၀ )
( ဦးနေထွန်းနိုင်၊ NLD ( LA )ကိုရီးယားဌာနခွဲ ဥက္ကဌ )

၉။ ဖျော်ဖြေရေး
ရွှေအိုးစည်၏ ကိုယ်ပိုင်သံစဉ် တေးသီချင်းသစ် “ တို့တာဝန် “ ( ၃း၅၀ ~ ၃း၅၅ )

၁၀။ ကျေးဇူးတင်စကားပြောကြားခြင်း၊ ( ၃း၅၅ ~ ၄း၀၀)
ဦးရန်နိုင်ထွန်း၊ NLD ( LA ) ကိုရီးယားဌာနခွဲ ဒု ဥက္ကဌ

၁၁။ အခမ်းအနားရုတ်သိမ်းခြင်း၊ ( ၄း၀၀ )

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Thursday, August 7, 2014

ဝမ်းမြောက်စွာ သာဓုခေါ်ပါလေကုန်

ဓမ္မဒူတ(ကိုရီးယား) ၂၀၁၄ နွေရာသီ ခရီးစဉ် ၃ ခု အနက် ၊ နတ်ဆန်ဆာ နှင့် ဘူဆန်ဟဲအွန်ဒဲခရီးစဉ်တို့မှ ပိုလျှံငွေ စုစုပေါင်း ဝမ် ၅ သိန်း ၅ သောင်းအား သာသနာနော်အဓွန့်ရှည်တည်တန့်ပြန့်ပွါးရေးအတွက် ရည်စူးလျက် ၊ ဓမ္မဒူတ(ကိုရီးယား)သို့ လှူဒါန်းပြီးဖြစ်ပါကြောင်း နှင့် လှူဒါန်းမှု ကုသိုလ် အဖို့ဘာဂကို ၃၁ ဘုံသားတို့အား ဝမ်းမြောက်စွာ အမျှပေးဝေအပ်ပါကြောင်း ။

- ဓမ္မဒူတ(ကိုရီးယား) ၂၀၁၄ နွေရာသီ ခရီးသွား မိတ်ဆွေ ညီအစ်ကိုမောင်နှမများနှင့် သာသနာချစ်ခင် သူတော်စင်အပေါင်းတို့ ဝမ်းမြောက်စွာ သာဓုခေါ်ကြပါလေကုန် ။


မေတ္တာဖြင့်-
ဓမ္မဒူတ(ကိုရီးယား)
၂၀၁၄-၀၈-၀၆

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

Sunday, August 3, 2014

What is PR ?

ရေးသားသူ — YaeTayZa 


မှတ်ချက်။ ။ facebook မှကူးယူဖော်ပြပါသည်။

လွှတ်တော်ထဲမှာ စစ်သားအမတ်(သို့မဟုတ်)မရွေးအမတ်၂၅%ရှိနေသမျှ မြန်မာပြည်မှာကျင့်သုံးမယ်ဆိုတဲ့ PR စံနစ်ဆိုးဟာ စစ်အာဏာရှင်စံနစ်ပဲသက်ဆိုးရှည်သွားမယ်ဆိုတာကိုဘီဘီစီမှာထုတ်လွှင့်သွားတဲ့
 ဝေဖန်ချက်ကလေးကိုမျှဝေလိုက်ပါတယ်။

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>

အမျိုးသားဒီမိုကရေစီအဖွဲ့ချုပ်မှ ၂၀၀၈ ဖွဲ့စည်းပုံ အခြေခံဥပဒေအပေါ် လေ့လာသုံးသပ်အကြံပြုတင်ပြချက်စာတမ်း

ဤစာတန်းကိုနှိပ်ပြီး ၊ ကျန်သည့်စာများဆက်ဖတ်ရန် >>>>