ရေးသားသူ — ခန့်နေသူတိုး
အိုင်းစတိုင်းရဲ့ ရီလေးတီဗီတီ သီဝရီ ( နှိုင်းရ နိယာမ ) ကို တစ်ကယ့်ထဲထဲဝင်ဝင် နားလည်တဲ့လူဆိုလို့ ဒီကမ္ဘာ ပေါ်မှာ ၁၂ယောက်သာ ရှိတယ်လို့ .. ဆိုပါတယ် ။ သူ့သီဝရီကို ဘဘအိုင်းစတိုင်းက အလွယ်ဆုံးနည်း အနေနဲ့ ဘယ်လို ရှင်းပြခဲ့သလဲဆိုတော့ .. “ကိုယ့်ချစ်သူနဲ့ ချစ်တင်းနှောနေရတဲ့ အခါ တစ်နာရီကို တစ်မိနစ်လောက်သာ ကြာတယ်လို့ ထင်ရပေမယ့် .. ရှားမီးကျည်ခဲကို ဖင်ခုထိုင်ရတဲ့ အခါမှာတော့တစ်မိနစ်လေးကို တစ်နာရီလောက် ကြာတယ်လို့ ခံစားရမှာ ဖြစ်ပါတယ် ” တဲ့ ။ အဲဒါ အိုင်းစတိုင်းရဲ့ နှိုင်းရနိယာမ .. (တစ်နည်းအားဖြင့် အင်္ဂလိပ်လို ရီလေးတီဗီတီ သီဝရီ) ။ ရှင်းသွားတာပဲ ။ ဒါနဲ့ပဲ ကျနော်လည်း ၁၃ ယောက်မြောက် ထဲထဲဝင်ဝင် နားလည်သူ ဖြစ်သွားပါတော့တယ် ။ နောက်ပိုင်း ကျနော်က ဒီ အကြောင်းကို အနီးပါးနားက ကျနော့် မိတ်ဆွေ သူငယ်ချင်းတွေကို တစ်ဆင့် ပြန်ပြောပြတဲ့အခါ သူတို့တစ်တွေလည်း ဒီသီဝရီကို နားလည်တဲ့ လူစာရင်းထဲမှာ ၁၄ ယောက်မြောက်တို့ ၊ ၁၅ယောက်မြောက်တို့ အစရှိသဖြင့် ထပ်ဖြစ် သွားကြ ပြန်ပါတော့တယ် ။ ကဲ .. ဒီလောက် ခက်ခဲတဲ့ သီဝရီကြီးကိုတောင် ကျနော်တို့တတွေ တစ်ထိုင်ထဲနဲ့ နားလည်နိုင်သေးတာ .. အခု ဘာမဟုတ်တဲ့ ဒီ ပါးမွှား ထွဲဂျစ်ဂူမ်ကျကာမှ ဘာတွေ ဖြစ်နေကြတာတုန်း ။ လောဂျစ် နဲနဲပါးပါးတတ်တယ် .. ဦးနှောက် ရဲ့ မှတ်ညာဏ် ဘဏ်ထဲမှာ စကားလုံးလေးတွေ သူများထက် နဲနဲ ပိုကြွယ်တယ် အရာနဲနဲရောက်တယ် ဆိုတာနဲ့ပဲ လူတွေဟာ ငြင်းကြခုန်ကြဖို့ အားထုတ်တော့တာပဲ ။ ငြင်းတာခုန်တာမကောင်းဘူး မဟုတ် .. ကောင်းပါတယ် ။ ဒါပေမယ့် စည်းလွတ်ဝါးလွတ် မဖြစ်ဖို့တော့ လိုတာပေါ့ ။ကဲ .. ထွဲဂျစ်ဂူမ်ဆိုတာ ဘာလဲ .. လက်ရှိ ပွက်လောရိုက် နေတဲ့ ကိစ္စက အသစ်ပြင်ဆင်ဖြည့်စွက်လိုက်တာလား .. အရင်ကတည်းက သတ်မှတ်ထားချက်လား .. ပြီးတော့ ချူးလ်ဂူမန်ဂီဘိုဟူမ်း ဆိုတာနဲ့ ဘယ်လို ပါတ်သက်စပ်ယှက် နေသလဲ .. အစရှိတာတွေကို နားလည်နိုင်ဖို့ ကျနော်တို့တစ်တွေ စတင် ချဉ်းကပ်ကြည့်ကြရအောင် ။
အဲ .. မစခင် ကျနော် တစ်ခုတော့ ပြောချင်သေးတယ် ။ တစ်ချို့ကိစ္စတွေမှာ ရှိတယ်ဗျ .. အခြေခံ ရပ်တည်ချက် မတူရင် အမြင်တွေလည်း မတူနိုင်ဘူး ။ သူ့ဖက်က ကြည့်တော့ လက်ဖဝါး .. ငါ့ဖက်က ကြည့်တော့ လက်ဖမိုး ဆိုတာမျိုးတွေပေါ့ ။ လွတ်တော်တွေထဲမှာ နိုင်ငံရေး ဆွေးနွေးပွဲတွေမှာ ငြင်းကြခုန်ကြ ၊ ဆံပင်မွှေးတွေဆွဲကြ ၊ ခုန်တွေနဲ့ ပြစ်ပေါက်ကြဆိုတာက တိုင်းပြည်အတွက် ဆိုတဲ့ အခြေခံစိတ်ထား တူနေရင် ကြည့်ရတာ ဂုဏ်ယူဖို့တောင် ကောင်းပါတယ် ။ တစ်ယောက်နဲ့ တစ်ယောက် အပြစ်ဖို့တာတွေ .. ပျက်စီးအောင် လုပ်တာတွေ .. သိက္ခာကျအောင် လုပ်တာတွေ မဟုတ်တဲ့ အတွက်ပဲ ဖြစ်ပါတယ် ။ ဒါကြောင့် အခု ဒီနေရာမှာ ထွဲဂျစ်ဂူမ် နဲ့ ချူးလ်ဂူမန်ဂီဘိုဟူမ်း အကြောင်းကို ချဉ်းကပ်ကြတော့မယ် တစ်နည်းအားဖြင့် ငြင်းကြ ခုန်ကြတော့မယ် ဆိုရင် ကျနော်တို့ အားလုံးဟာ အခြေခံအားဖြင့်တော့ လူ့အခွင့်အရေးနဲ့ အလုပ်သမားအခွင့်အရေး ဆိုတာကို လေးစားမြတ်နိုးတဲ့ စိတ်ထားတော့ ရှိဖို့လိုမှာ ဖြစ်ပါတယ် ။
ထွဲဂျစ်ဂူမ် ဆိုတာဘာလဲ .. ကျနော် ခဏခဏပြောခဲ့ပြီးသားပဲ .. အလုပ်ထွက် လုပ်သက် ဆုကြေးပါလို့ ။ ကိုရီးယါးပဲ ဖြစ်စေ .. နိုင်ငံခြားသားအလုပ်သမားပဲ ဖြစ်စေ တစ်နှစ်အထက် အလုပ်လုပ်ခဲ့ပြီး အလုပ်ထွက်တဲ့အခါ ရပိုင်ခွင့်ရှိတဲ့ ဆုကြေးငွေကို ဆိုလိုတာပါ ။ ဘယ်သူက ပေးရမှာလဲ .. အလုပ်ရှင်က ပေးရမှာပါ ။ ဟုတ်ပြီ .. ဒါဆို ချူးလ်ဂူမန်ဂီ ဘိုဟူမ်း ဆိုတာကရော ဘာလဲ .. ။ ဒီနေရာမှာ ချူးလ်ဂူတွေ မန်ဂီတွေကို အသာထားလိုက် ဘိုဟူမ်းဆိုတာကို အရင် ဂရုစိုက်ပြီးကြည့်ရမှာ ဖြစ်တယ် ။ လူတွေဟာ အခြေခံအားဖြင့် ကွန်ဆန်ထရေးရှင်းလို့ ခေါ်တဲ့ စိတ်အာရုံနှစ်မြှပ်မှုမှာ အားနည်းကြတယ် ။ ဒါကြောင့်လည်း ကမ္ဘာမှာ ဆွဲအားရှိတဲ့ အကြောင်းကို လူ့ဖြစ်စဉ် သမိုင်း အတော်ကြီးကြာမှ သိကြရတာနေမှာ ။ ဟိုး ရှေးရှေးကတည်းက ပန်းသီးတွေဟာ မြေကြီးပေါ် ပြုတ်ကျတဲ့ ဖြစ်စဉ် ဖြစ်နေခဲ့တာ နှစ်ပေါင်း သန်းနဲ့ချီ ရှိနေပြီ ။ မြင်တဲ့လူတွေလည်း မရေမတွက်နိုင်အောင်ပဲ .. ကဲ နယူတန်ကျမှပဲ အဲဒါကို မြင်ပြီး ကမ္ဘာမှာ ဆွဲအားရှိတဲ့ အကြောင်း ဘာလို့ သိသွားရသလဲ .. ။ အဖြေက ရှင်းနေတာပဲ .. နယူတန်က လူ့တကာ့ လူတွေထက် ကွန်ဆန်ထရေးရှင်း (စိတ်အာရုံနှစ်မြှပ်မှု) ကောင်းလို့ပေါ့ ။h
အခုလည်း အရှေ့က ချူးလ်ဂူတွေ မန်ဂီတွေကိုပဲ စိတ်ဝင်စားပြီး ဘိုဟူမ်းဆိုတာကို အာရုံမစိုက်နိုင်ဖြစ်နေကြတယ် ။ ဘိုဟူမ်းဆိုတာ အာမခံပဲ ။ ဘာကို အာမခံတာလဲ .. လုပ်ငန်းရှင်က အကယ်၍များ ထွဲဂျစ်ဂူမ်ကို မပေးနိုင်ပါက (မပေးပါက) အာမခံဌါနကနေ ထုတ်ပေးဖို့ အာမခံ ထားရတာပါ ။ အာမခံကို ဘယ်သူက ထားသလဲ .. လုပ်ငန်းရှင်ပဲ လစဉ် အာမခံကြေး ထည့်ဝင်ပြီး ထားရတာပါ ။ အာမခံဆိုတဲ့ စကားလုံးဟာ အကာအကွယ် ဖြစ်စေခြင်း ဆိုတဲ့ စပိန်ဘာသာကနေ နောက်ပိုင်း အင်္ဂလိပ်တွေက ယူမွေးစားလိုက်တဲ့ စကားလုံး ဖြစ်ပါတယ် ။ ဆိုတော့ သူ့ရဲ့အနက်က သူဌေးက ထွဲဂျစ်ဂူမ်မပေးတဲ့ အခါ အလုပ်သမားအတွက် အကာအကွယ်ဖြစ်စေဖို့ အာမခံဌါနက ထုတ်ပေးရမယ် .. (တောင်းယူနိင်တယ် ) ဒီလိုဖြစ်ပါတယ် ။ ဘယ်အချိန်မှာ ထုတ်ပေးရမလဲ .. နိုင်ငံကနေ ထွက်ခွာတဲ့ အဆုံးမှာ ထုတ်ပေးရမှာ ဖြစ်တယ် ။ ဆိုတော့ ဥပဒေကြောင်း အရဆို အလုပ်ထွက်တဲ့အခါ ထွဲဂျစ်ဂူမ်ကို သူဌေးဆီကပဲ တောင်းရမှာပါ ။ အာမခံဌါနက ပိုက်ဆံက သူဌေးက မပေးဘူး ဆိုတော့မှ လျှောက်ထားတောင်းခံ ရယူရမှာပါ ။ ဒါကို နားလှည့်ပါးရိုက်လုပ်ပြီး သူဌေးတွေက အာမခံဌါနကနေတောင်းယူကြဆိုပြီး လုပ်ပါတယ် ။ ဒီလိုနဲ့ပဲ အစဉ်အဆက် လုပ်ရိုးလုပ်စဉ် တစ်ခုလို ဖြစ်လာခဲ့ပါတော့တယ် ။ နှစ်ဖက်စလုံးကလည်း ဘာပြသနာမှထွေထွေထူးထူး မရှိတာမို့ ငြိမ်နေခဲ့ကြပါတယ် ။
ကဲ .. အခုတော့ လုပ်လာပါပြီ .. နိုင်ငံကနေ ထွက်မှ ပေးမယ်တဲ့ ။ အစကတည်းက အာမခံရဲ့ နာမည်ကိုက နိုင်ငံက ထွက်မှ ရမှာလို့ ဆိုလာပါတယ် ။ ဒါ .. သက်သက် ကလိမ်ကကျစ် လုပ်ကွက်ပါ ။ အချို့ကတော့ ဒါကို အသစ်ပြင်ဆင် ဖြည့်စွက်တာမဟုတ် အစကတည်းက သတ်မှတ်ထားချက် စည်းကမ်းကို အရင်က လျှော့ပေါ့ ပေးခဲ့ပြီး အခုမှ စတင်ကျင့်သုံးတာလို့ ပြောကြပါတယ် ။ လူ့အခွင့်အရေး ရှု့ထောင့်က ကြည့်ရင် ဒီလိုပြောတာဟာ ကိုယ်ချင်းစာစိတ် မရှိခြင်းနဲ့ တာဝန်ယူလိုမှု ကင်းမဲ့ခြင်းကို ဖော်ပြရာရောက်ပါတယ် ။ ဥပမာအနေနဲ့ ပြောရရင် မြတ်စွာဘုရားရှင် ကိုယ်တော်မြတ်ကြီးက ရဟန်းတို့ လိုက်နာရမယ့် အကျင့်သိက္ခာ ပုဒ်တွေကို ၂၂၈ ခု တိတိပြဌါန်းထားခဲ့ပါတယ် ။ ရဟန်းတွေလည်း ဒါကို အားလုံး လိုက်နာနိုင်ကြတာတော့ မဟုတ်ပါဘူး ။ အချို့ရဟန်းတွေ အလွတ်တောင် ရကြတာ မဟုတ်ပါဘူး ။ ဒီလိုပဲ ကြိုးစားပြီး ရသလောက် လိုက်နာနေကြတာပါပဲ ။ ဒါကို အစိုးကတစ်ခုက ဒီလို ပြောလာပြီဗျာ .. သိက္ခာပုဒ် ၂၂၈ ခုလုံးနဲ့ မညီရင် မညီတဲ့ ရဟန်းကို လူဝတ်လဲပြစ်မယ်ဆိုပြီးတော့ပေါ့ .. ဒါဆို ဒါဟာ အသစ်ပြဌါန်းတာ မဟုတ်ပေဘူးလား ၊ ကလိမ်ကကျစ်လုပ်တာ .. ရဟန်းတို့အပေါ် ၊ ဗုဒ္ဓသာသနာအပေါ် ဆက်လက် သာသနာ မပြုနိုင်အောင် ၊ ဇာတ်သိမ်းအောင် ၊ သသနာကွယ်အောင် လုပ်တာ မဟုတ်ပေဘူးလား ။
ဒါပေမယ့် ဒီလိုလုပ်တာကြီးကို .. ဒါဟာ အစကတည်းက ဘုရားက လိုက်နာရမယ်လို့ ပြောထားပြီးသားပဲ .. အရင်တုန်းက ကာလတစ်ခုအထိ တစ်လျှောက်လုံး လျှော့ပေ့ါပေးခဲ့ပြီး အခုမှ စတင်ကျင့်သုံးတာပါ .. လို့ ဆိုမှာလား ။ ကိုရီးယားမှာလည်း နိုင်ငံရေးခိုလှုံခွင့် ဗီဇာဆိုတာရှိတယ် ။ ဗီဇာလျှောက်ထားခွင့်ရှိတဲ့ အမျိုးမျိုးသော အကြောင်းတွေ ထဲက ဒီမိုကရေစီလှုပ်ရှားမှုကြောင့် နိုင်ငံပြန်ရင် အန္တရာယ်ရှိနိုင်တာကြောင့် ကိုရီးယားမှာ နိုင်ငံရေးခိုလှုံခွင့် လျှောက်ထားရယူခဲ့တယ် ဆိုပါစို့ ။ နိုင်ငံရေးခိုလှုံခွင့် ဗီဇာ အပိုဒ် ၂၂ (နိုင်ငံရေးခိုလှုံခွင့် ဗီဇာရရှိထားသူအား ဗီဇာပြန်လည်ဖျက်သိမ်းနိုင်ခွင့်) ခေါင်းစဉ်အောက်က နံပါတ် ၅ မှာ ဖတ်ကြည့်မယ်ဆို .. ဗီဇာထုတ်ပေးရန် ဆုံးဖြတ်ခဲ့သည့် အဓိက အကြောင်းအချက်သည် ပျက်ပျယ်သွားပြီးနောက် ကိုရီးယားနိုင်ငံမှ ၄င်းအား ဆက်လက် စောင့်ရှောက်ထားရန် မလိုအပ်တော့သည့် အခြေအနေဖြစ်ပါက ဗီဇာအား ပြန်လည် ဖျက်သိမ်းနိုင်သည်လို့ ဆိုထား ပါတယ် ။ ဒီလိုဆိုတာနဲ့ပဲ မြန်မာပြည် ဒီမိုကရေစီရဖို့ အားထုတ် ကြိုးပမ်းရင်း နိုင်ငံရေးခိုလှုံခွင့် ဗီဇာရထားသူ တွေကို အခု မြန်မာပြည်မှာ ဒီမိုကရေစီစနစ်ဖြစ်နေပြီ .. ဗီဇာကို ဖျက်သိမ်းမယ် .. ပြန်ကြဆိုပြီး ကြေငြာချက် ထုတ်ရင် .. ဒါ တရားပါ့မလား .. ဥပဒေမှာ အစကတည်းက ပြဌါန်းထားတာပဲ .. အရင်က လျှော့ပေါ့ပေးခဲ့တာ .. အခုမှ စတင်ကျင့်သုံး တာ .. ဒါဟာ အသစ်ပြင်ဆင်တာ မဟုတ်ဘူးလို့ မျက်ကန်း တစ္ဆေ မကြောက် လျှောက်ပြောမှာလား ။ အဆုံးသတ်အနေနဲ့ ပြောချင်တာကတော့ ကျနော်တို့ အလုပ်သမားတွေအနေနဲ့ ရပိုင်ခွင့်ရှိတာ ထွဲဂျစ်ဂူမ် (အလုပ်ထွက် လုပ်သက် ဆုကြေး) ပါ ။ ချူးလ်ဂူမန်ဂီအာမခံငွေ မဟုတ်ပါ ။ အလုပ်သမားဥပဒေမှာ ပြဌါန်းထားတာက အလုပ်ထွက်ပြီး ၁၄ ရက်အတွင်း အလုပ်ရှင်က အလုပ်သမားကို ထွဲဂျစ်ဂူမ်အား အပြည့် ပေးချေရမှာ ဖြစ်တယ်လို့ ပြဌါန်းထားပါတယ် ။ ဒါကို သူဌေးက .. အာမခံဌါနကနေ တောင်းယူကြကွာ .. လိုတဲ့ ပမာဏရှိရင် ငါ ထပ်ပေးမယ်တွေ ဘာတွေ ညာတွေ အီစီကလီ ကူလီကူမာ ရူးကြောင်မူးကြောင် လာမလုပ်နဲ့ .. ဥပဒေအရ မင်းကပဲ အပြည့်အဝ ပေးဖို့ တာဝန်ရှိတာမို့ မင်းဘာသာ မင်းတောင်းပြီး ငါ့တို့ကို ပေး .. အေး အလုပ်ထွက်ပြီး ၁၄ ရက်အတွင်း မပေးလို့ကတော့ အခြေခံအလုပ်သမား ဥပဒေကို ဖောက်ဖျက်မှုနဲ့ မင်းကို တရားစွဲမယ် .. ဆိုတဲ့ လမ်းကြောင်းနဲ့ သွားကြရမှာ ဖြစ်ပါတယ် ။
လောလောဆယ်တော့ အသစ်ပြင်ဆင်တဲ့ စနစ်ကို မလုပ်ဖြစ်အောင် ဝိုင်းဝန်း ကြိုးစားပိတ်ဆို့ပြုပြင် .. မရရင်တော့ လုပ်ငန်းရှင်ကို တရားစွဲတဲ့ နည်းလမ်းနဲ့ ခရီးဆက် ချီတက်ကြမယ် .. ။ အားလုံးကောင်းဖို့ လုပ်ကြတာပဲ .. စည်းစည်းလုံးလုံး သွားကြတာပေါ့ဗျာ ။
No comments:
Post a Comment